9
سبتمتبر
2019
اوكف واكلك لاتمد ايدك وتكطع بالورد
نشر منذ 1 اسابيع - عدد المشاهدات : 36

عشتار الاخبارية _ ايمان الخيون


اوكف واكلك لاتمد ايدك وتكطع بالورد
بعده النده بوجه الصبح مايحمل يمسحه الحقد
زغير يخاف من الذبح
والنبله شالت بس قبح.
آيمذبوح آيمذبوح
،،،،،، ،،
الليله صبح الله انذبح ضامي وينوح
يكطع الغبشه بسهم غفله ويروح
هاجت بلامستحه بساع الجروح
ورده من يكطعها سيف
تذبل بلحضات طيف
آيمذبوح ...آيمذبوخ
...........
سهم يذبح طيف عاشك بالخيال
وحلم مذبوح وعطش وي النبال
ياخذ احساس ودفو ويقتل جمال
نبله من جف حرمله
تذبح ايه وبسمله
ايمذبوح ايمذبوح
..........
روح ترفه وتعشك اجفوف النده
وطفل عطشان لحضن مابيه رده
وجف شجاع يشيله وبلحضه حده
اخذ قربان السماء
هناك عبد الله اللقاء
ايمذبوح ...ايمذبوح
........
وسفه يانبلة جبان التذبح طيوف الحمام
وشهكة موادع تمر عله الرضيع بلاسلام
ونة ام ثكله بحمل حرك الخيام
تريد تسمع منه صوت
مناغه منحر كل موت
ايمذبوح ....ايمذبوح
...........
ذبحو النور بوكاحه عين موبس بانتقام
وشالو من اذهانهم فد مره كلمة ياحرام
ونفذو قانونهم ابدا فلابيه اي نظام
غير بس ذبح ودمه
وطفل مات من الضمه
ايمذبوح ايمذبوح
............
يمه اتمنه الولد عريس اشوفه
ومن تمر لحضة فرح انطر طيوفه
جن شمسنه من الحزن والله مكسوفه
تبقى يوليدي معاي
هذا من الله مناي
ايمذبوح ايمذبوح


صور مرفقة






أخبار متعلقة
مشاركة الخبر
التعليق بالفيس بوك
التعليقات
تابعنا على الفيس بوك
التوقيت الان

استطلاع رأى

هل ينجح عادل عبدالمهدي في تشكيل حكومة تنال رضا الشعب ؟؟

3 صوت - 23 %

5 صوت - 38 %

0 صوت - 0 %

عدد الأصوات : 13

أخبار
عداد الزوار
Flag Counter
تابعنا على اليوتيوب
Hello!
حالة الطقس
تصفح موقعنا القديم